നിങ്ങളുടെ മെറ്റാ ആഡ് അക്കൗണ്ടിൽ (Meta ad account) നിന്ന് നേരിട്ട് കാമ്പെയ്‌ൻ നിർദ്ദേശങ്ങൾ, പെർഫോമൻസ് ഡാറ്റ, അക്കൗണ്ട് സപ്പോർട്ട് എന്നിവ നൽകാൻ കഴിയുന്ന അതിവേഗ എ.ഐ അസിസ്റ്റന്റാണ് മെറ്റാ എ.ഐ ബിസിനസ് അസിസ്റ്റന്റ്. നിലവിൽ ബീറ്റാ വേർഷനിൽ ലഭ്യമായ ഈ ഫീച്ചർ, എല്ലാ ഭാഷകളിലുമുള്ള ഒട്ടുമിക്ക ബിസിനസ്സുകൾക്കും ഉപയോഗിക്കാൻ കഴിയും.

ദിവസവും പരസ്യദാതാക്കൾ കാമ്പെയ്‌നുകൾ സെറ്റ് ചെയ്യാനും, ഡാറ്റ വിശകലനം ചെയ്യാനും, അക്കൗണ്ട് പ്രശ്നങ്ങൾ പരിഹരിക്കാനും വലിയൊരു സമയം ചിലവാക്കുന്നുണ്ട്. എന്നാൽ കാമ്പെയ്‌ൻ പെർഫോമൻസ് എളുപ്പമാക്കാനും അക്കൗണ്ട് പ്രശ്നങ്ങൾ നിമിഷങ്ങൾക്കകം പരിഹരിക്കാനും ഇനി മെറ്റാ എ.ഐ ബിസിനസ് അസിസ്റ്റന്റ് നിങ്ങളോടൊപ്പം പ്രവർത്തിക്കും.

നിലവിലെയും പഴയതുമായ കാമ്പെയ്‌നുകളിൽ നിന്നുള്ള ഡാറ്റ ഉപയോഗിച്ച്, ഇൻസൈറ്റുകളും ചാർട്ടുകളും തയ്യാറാക്കാനും, നിങ്ങളുടെ റിസൾട്ടുകൾ ഇൻഡസ്ട്രി ബെഞ്ച്മാർക്കുകളുമായി താരതമ്യം ചെയ്യാനും, കാമ്പെയ്‌നുകൾ ഒപ്റ്റിമൈസ് ചെയ്യാനും ഇതിലൂടെ നിമിഷനേരം കൊണ്ട് സാധിക്കും. ചാറ്റിൽ നിന്ന് നേരിട്ട് ഒരു ക്ലിക്കിലൂടെ തന്നെ ഈ നിർദ്ദേശങ്ങൾ നിങ്ങളുടെ കാമ്പെയ്‌നുകളിൽ പ്രയോഗിക്കാൻ കഴിയും എന്നതാണ് ഇതിന്റെ ഏറ്റവും വലിയ പ്രത്യേകത.

പ്രധാന സവിശേഷതകൾ:

• പെർഫോമൻസ് ട്രെൻഡുകൾ കണ്ടെത്താം: നിങ്ങളുടെ നിലവിലെയും മുൻകാലത്തെയും കാമ്പെയ്‌ൻ ഡാറ്റ അടിസ്ഥാനമാക്കി മികച്ച ഇൻസൈറ്റുകളും ചാർട്ടുകളും വേഗത്തിൽ തയ്യാറാക്കാം.
• അക്കൗണ്ട് പ്രശ്നങ്ങൾ നിമിഷങ്ങൾക്കകം പരിഹരിക്കാം: ഡിസേബിൾ ആയ അക്കൗണ്ടുകൾ തിരിച്ചെടുക്കാനും, സ്പെൻഡ് ലിമിറ്റുകൾ പുതുക്കാനും, ഡെലിവറി എററുകൾ പരിഹരിക്കാനും വളരെ വേഗത്തിൽ സാധിക്കും.
• മറ്റ് ബിസിനസ്സുകളുമായി താരതമ്യം ചെയ്യാം: കോസ്റ്റ് പെർ റിസൾട്ട്, ക്ലിക്ക്-ത്രൂ റേറ്റ് (CTR), റിട്ടേൺ ഓൺ ആഡ് സ്പെൻഡ് (ROAS) എന്നിവ ഉപയോഗിച്ച് നിങ്ങളുടെ ബിസിനസ്സ് ഇൻഡസ്ട്രിയിൽ മറ്റ് ബിസിനസ്സുകളുമായി താരതമ്യം ചെയ്യുമ്പോൾ എങ്ങനെ നിൽക്കുന്നു എന്ന് മനസ്സിലാക്കാം.
• ബജറ്റും ഓഡിയൻസും ഒപ്റ്റിമൈസ് ചെയ്യാം: നിങ്ങളുടെ ലക്ഷ്യങ്ങൾ നേടുന്നതിനായി കൃത്യമായ ബജറ്റും ഓഡിയൻസും സെറ്റ് ചെയ്യാൻ സഹായിക്കുന്ന മികച്ച നിർദ്ദേശങ്ങൾ ലഭിക്കും.

അക്കൗണ്ട് പ്രശ്നങ്ങൾ പരിഹരിക്കാൻ മെറ്റാ എ.ഐ-യോട് എങ്ങനെ ചോദിക്കാം?

തുടക്കമെന്ന നിലയിൽ അക്കൗണ്ട് പ്രശ്നങ്ങൾ പരിഹരിക്കുന്നതിനായി താഴെ പറയുന്ന രീതിയിലുള്ള ചോദ്യങ്ങൾ നിങ്ങൾക്ക് അസിസ്റ്റന്റിനോട് ചോദിക്കാവുന്നതാണ്:

• “Can you help me troubleshoot my ad delivery?” (എന്റെ ആഡ് ഡെലിവറി പ്രശ്നങ്ങൾ പരിഹരിക്കാൻ സഹായിക്കാമോ?)
• “How do I fix a payment issue?” (പേയ്‌മെൻ്റുമായി ബന്ധപ്പെട്ട പ്രശ്നങ്ങൾ എങ്ങനെ പരിഹരിക്കാം?)
• “My ad account has been restricted, can you help me restore it?” (എൻ്റെ ആഡ് അക്കൗണ്ട് റിസ്ട്രിക്റ്റ് ആയിട്ടുണ്ട്, അത് തിരിച്ചെടുക്കാൻ സഹായിക്കാമോ?)

മികച്ച റിസൾട്ടുകൾ ഉറപ്പ് നൽകുന്ന കണക്കുകൾ:

ഓപ്പർച്യുണിറ്റി സ്കോർ നിർദ്ദേശങ്ങൾ പ്രയോഗിച്ച പരസ്യദാതാക്കൾക്ക് അവരുടെ കോസ്റ്റ് പെർ റിസൾട്ടിൽ 12% കുറവ് രേഖപ്പെടുത്തിയിട്ടുണ്ട്. കൂടാതെ, സാധാരണയായി കണ്ടുവരുന്ന അക്കൗണ്ട് മാനേജ്മെന്റ് പ്രശ്നങ്ങൾ പരിഹരിക്കുന്നതിൽ 20% വർദ്ധനവും മെറ്റാ എ.ഐ ബിസിനസ് അസിസ്റ്റന്റ് വഴി സാധ്യമായിട്ടുണ്ട്.

എങ്ങനെ ഉപയോഗിക്കാം?

മെറ്റാ ബിസിനസ് സ്യൂട്ട്, ഫേസ്ബുക്ക് ആഡ് സെന്റർ, ഇൻസ്റ്റാഗ്രാം ബൂസ്റ്റ് എന്നിവയുടെ ലെഫ്റ്റ്-ഹാൻഡ് നാവിഗേഷൻ പാനലിൽ കാണുന്ന ഐക്കൺ വഴി നിങ്ങൾക്ക് പുതിയ ചാറ്റ് ആരംഭിക്കാൻ കഴിയും. കാമ്പെയ്‌ൻ ടേബിളിലെ ‘Analyse’ ബട്ടൺ വഴിയും ഇത് ഉപയോഗിക്കാവുന്നതാണ്.

കാമ്പെയ്‌ൻ മാനേജ്മെന്റ് കൂടുതൽ എളുപ്പമാക്കാനും, വ്യക്തിഗത നിർദ്ദേശങ്ങൾ ലഭിക്കാനും, നിങ്ങളുടെ ബിസിനസ്സ് വേഗത്തിൽ വളർത്താനും മെറ്റാ എ.ഐ ബിസിനസ് അസിസ്റ്റന്റ് ഇന്ന് തന്നെ പരീക്ഷിച്ച് നോക്കൂ.